وتبدأ الحكاية
الانشغال عن الحياة بالحياة الجديدة اللي بتتبني
كل كلمة ليها معنى، كل تعبير له غلاوته
كل نظرة بيطق منها حب
يا ترى بيحبني؟
اكيد بيحبني امال يعني ده يبقى ايه لو مكنش حب
الوفات اللمحات اللي بتبني
تبقى متأكد ان اللي حاسه ده محستوش قبل كده، متحسش قبل كده
تبقى واثق في خصوصية العلاقة
واثق في خصوصيتك جواه
واثق ان ده مش هيموت
مستني الرسالة الجاية
عايز تكلمه تقوله على الحاجة اللي ضحكتك عشان تسمع ضحكته معاك فتحس بانتصار على الدنيا واللي فيها
او تجري عليه تقوله على اللي مضايقك فيطبطب عليك فتحس فجأة انك بتستخبى من الدنيا واللي فيها، تحس انك قوي وان مفيش حاجة هتهزمك طول ما هو جنبك

سقطت اخر القلاع اذا وانزاحت اخر اوراق التوت عن عوراته. اسلم قياده وتوقف عن المقاومة وطالع حقيقة لطالما انكرها عن نفسه.......
مكنش فاضل غير ان اخر طوبة تقع على دماغه واخر ملي ساتر اللي مينفعش يبان انحاش.
ساب نفسه للطيار وبطل مكابرة، وبطل يغفل روحه من شوفان الحقيقة اللي فضل ناكرها طول الوقت.

لما الحياة تكشرلك عارف تعمل ايه؟
لا مش عايز اعرف
عوم واتمخطر عوم واتمخطر عوم عوم عوم عووووم واتمخطرررررر

المهبوشة دي يا ترى راحت فين
سابتني وبتلعب في بلف انهي قنبلة دلوقتي
زمانها عمالة تتنطط على ضهر دولفين ولا فارق معاها الجدع اللي سيباه يغلي ويشقى تدوير عليها في كل موجة
انا ميهمنيش ده انا يهمني بس انها متكونش رمت نفسها في مصيبة سودة ولا تكون دخلت بق تمساح عشان تلعب في سنانه
انا بس عايز احميها واحافظ عليها
صحيح انا سعات بحس اني واحشني العب جنبها وامشي ورا فكرها
سعات كنت بحس اني بحسدها على قلة وعيها وعلى ذاكرتها اللي مش بتفتكر بيها حتى اسمها
هو انا اكيد مش  بحبها انا اصلا مينفعش احب تاني، هي مرة يا صابت يا صابت القلب ومينفعش تداوى

بس هو انا ليه مش عارف مدورش عليها في كل حتة ومش شايف حاجة الا هي في كل مكان