بنوتى الحلوة زينب
النهارده بس اخترت اسمك وحبيت ابلغك الخبر ده
من سنين وانا محتارة هسميكى ايه اسميكى ايه
عارفة ان الاسم جايز ميعجبكيش
يمكن تحسيه قديم، ويمكن لو شوفتى كريمة مختار فى العيال كبرت تكرهينى
لكن وعدك لما تكبرى هحكيلك عن امك المهيبه الست زينب وعن فضلها علي وعلى بابى وعليكى واوعدك هتحبيها
اوعدك لما تشوفى مسلسل الخواجة عبد القادر وتشوفى زينب اد ايه كانت حلوة هتحب اسمك
اوعدك لما تسمعيه وهو بيقول انا مقدرش على زعل زينب هتحبى اسمك
لحد دلؤتى جبتلك جزمتين معايا فردة واحدة لكل واحدة فيهم
وعندى فساتين كتير ليكى ، صحيح كنت بلبسهم وانا صغيره بس متأكدة انهم هيكونوا احلى عليكى
متخيلاكى يا حبيبة مامى وانت بتكبرى قدام عنيا
متخيلة ضحكتك اللى هتبقى الدنيا لي
متخيله اول مرة تنطقى واول خطوة تمشيها واول مره تدوقى اليوسفى واول مرة تمسكى المعلقة واول مرة تروحى المدرسة واول مرة اعملك ضفيرة واول مرة تنزلى البحر
اوعدك
هحافظ عليكى وهربى نفسى ازاى اربيكى
عايزاكى تستمتعى بوقتك ، تثقى فى نفسك وتمشى ضهرك مفرود حاولى تكترى من اكل الخس (بينفع)والبنجر (بينفع برضو ) والجزر ( عشان انا بحبه ) اوعى تشربى شاى بلبن او تاكلى لانشون او بلوبيف وانا اوعدك مش هغصب عليكى تاكلى كوسة وهسيبك تقولى على البامية يع ،روحى الزمالك كتير كلى سينبون عليه صوص شيكولاته ومكسرات كتير
العبى جومباز
خشى سينما
سافرى بره
خدى بالك من تيمون .....اوى وحياتك
ودى كل الناس
حبى من كل قلبك
احسنى الظن فى كل حاجة وكل حد
اضحكى من كل قلبك وخلى جسمك كله ينتشى بالضحك
اقري ل احمد خالد توفيق
حافظى على كتبى
اوعى حد يضحك عليكى ويقولك تعال اوديكى لماما
اوعى تخاف
اوعى تخاف
اوعى تخاف
دورى على واحدة اسمها امانى وصاحبيها
او دورى على واحده اسمها امانى وصاحبى بنتها
خدى بالك من هدومك
لونى اوضتك ب 7 الوان ميهمكيش
ارسمى على الحيطة
اكتبى اسماء صحابك كلهم وازاى عرفتيهم وكل مواقفهم معاك
لو طلعتى زيي حاولى تبطلى عند عند سن 14 بعد كده هتخسرى كتير
اوعى تستعجلى الايام خليكى متأكده انها متسربعه خلقه
امشى فى نص الشارع مش على الرصيف
لما تسوقى عربية خلى قلبك ميت مش هتموتى
روحى جامع وكنيسة ومعبد يهودى
العبى يوجا وكلى ترمس على الكورنيش واضربى كشري من ابو طارق واشربى حمص شام وشاى بنعناع وسحلب وكاكاو وكلى بطاطا ودره وفشار واسمعى فيروز وفيروز كراوية وهشام عباس ومحمد منير ومرسيل خليفه ووجيه عزيز ومحمود العسيلى وسيلين ديون وريما خشاش واميمة خليل ومايكل بوبل ومكايدى نحاس ولينا شامبينان
دورى على واحد اسمه مصطفى محمود واسمعى اغانيه كلها وخمنى الاغنية اللى عايزه اهديهالك
متشتغليش قبل ما تخلصى دراسة
ولا اقولك اشتغلى يا بنتى اشتغلى واحتكى واعرفى كل حاجة
متتجوزيش ابدا ابدا قبل 25 سنة
ولو جدك كان لسه بيزن على الجواز سيبك من كلامه فى الموضوع ده
كلى لب سوبر مش ابيض
اشربى بيبسى من الكشك فى ازايز برهن بترجع فى الصندوق مش علب
كلى من عند البرنس
روحى اسكندرية مرة فى الشهر واقفى على البحر وقت الغروب
اركبى مركب فى النيل وفكى ضفايرك وخلى الهوا يطيرهم
شوفى واحد بتاع غزل بنات واتفقى معاه يعلمك تعمليه
اتعلمى كانفا وتريكو وكورشية
سبيك من الناس
انا خلفتك والغلط والصح محفورين جواكى بخط عريض اوى نعكشى عليهم كويس وانت تلاقيهم
احبى الله من كل قلبك
اعرفى جين اير كويس
انطقى " ان شاء الله "زى ما انا بنطقها
عندى ابجورة زرقا كده وحياتك حاولى متكسرهاش
اقري مجلدات ميكى القديمة ( هتلاقى منهم كتير عند خالو هشام )
حبى wordsworth
اوعى تجيبى مجموع عالى فى الثانوية العامة واوعى تطلعى دكتورة
اوعى تفرطى فى كرامتك
واخيرا حبينى
مامى رضوى
النهارده بس اخترت اسمك وحبيت ابلغك الخبر ده
من سنين وانا محتارة هسميكى ايه اسميكى ايه
عارفة ان الاسم جايز ميعجبكيش
يمكن تحسيه قديم، ويمكن لو شوفتى كريمة مختار فى العيال كبرت تكرهينى
لكن وعدك لما تكبرى هحكيلك عن امك المهيبه الست زينب وعن فضلها علي وعلى بابى وعليكى واوعدك هتحبيها
اوعدك لما تشوفى مسلسل الخواجة عبد القادر وتشوفى زينب اد ايه كانت حلوة هتحب اسمك
اوعدك لما تسمعيه وهو بيقول انا مقدرش على زعل زينب هتحبى اسمك
لحد دلؤتى جبتلك جزمتين معايا فردة واحدة لكل واحدة فيهم
وعندى فساتين كتير ليكى ، صحيح كنت بلبسهم وانا صغيره بس متأكدة انهم هيكونوا احلى عليكى
متخيلاكى يا حبيبة مامى وانت بتكبرى قدام عنيا
متخيلة ضحكتك اللى هتبقى الدنيا لي
متخيله اول مرة تنطقى واول خطوة تمشيها واول مره تدوقى اليوسفى واول مرة تمسكى المعلقة واول مرة تروحى المدرسة واول مرة اعملك ضفيرة واول مرة تنزلى البحر
اوعدك
هحافظ عليكى وهربى نفسى ازاى اربيكى
عايزاكى تستمتعى بوقتك ، تثقى فى نفسك وتمشى ضهرك مفرود حاولى تكترى من اكل الخس (بينفع)والبنجر (بينفع برضو ) والجزر ( عشان انا بحبه ) اوعى تشربى شاى بلبن او تاكلى لانشون او بلوبيف وانا اوعدك مش هغصب عليكى تاكلى كوسة وهسيبك تقولى على البامية يع ،روحى الزمالك كتير كلى سينبون عليه صوص شيكولاته ومكسرات كتير
العبى جومباز
خشى سينما
سافرى بره
خدى بالك من تيمون .....اوى وحياتك
ودى كل الناس
حبى من كل قلبك
احسنى الظن فى كل حاجة وكل حد
اضحكى من كل قلبك وخلى جسمك كله ينتشى بالضحك
اقري ل احمد خالد توفيق
حافظى على كتبى
اوعى حد يضحك عليكى ويقولك تعال اوديكى لماما
اوعى تخاف
اوعى تخاف
اوعى تخاف
دورى على واحدة اسمها امانى وصاحبيها
او دورى على واحده اسمها امانى وصاحبى بنتها
خدى بالك من هدومك
لونى اوضتك ب 7 الوان ميهمكيش
ارسمى على الحيطة
اكتبى اسماء صحابك كلهم وازاى عرفتيهم وكل مواقفهم معاك
لو طلعتى زيي حاولى تبطلى عند عند سن 14 بعد كده هتخسرى كتير
اوعى تستعجلى الايام خليكى متأكده انها متسربعه خلقه
امشى فى نص الشارع مش على الرصيف
لما تسوقى عربية خلى قلبك ميت مش هتموتى
روحى جامع وكنيسة ومعبد يهودى
العبى يوجا وكلى ترمس على الكورنيش واضربى كشري من ابو طارق واشربى حمص شام وشاى بنعناع وسحلب وكاكاو وكلى بطاطا ودره وفشار واسمعى فيروز وفيروز كراوية وهشام عباس ومحمد منير ومرسيل خليفه ووجيه عزيز ومحمود العسيلى وسيلين ديون وريما خشاش واميمة خليل ومايكل بوبل ومكايدى نحاس ولينا شامبينان
دورى على واحد اسمه مصطفى محمود واسمعى اغانيه كلها وخمنى الاغنية اللى عايزه اهديهالك
متشتغليش قبل ما تخلصى دراسة
ولا اقولك اشتغلى يا بنتى اشتغلى واحتكى واعرفى كل حاجة
متتجوزيش ابدا ابدا قبل 25 سنة
ولو جدك كان لسه بيزن على الجواز سيبك من كلامه فى الموضوع ده
كلى لب سوبر مش ابيض
اشربى بيبسى من الكشك فى ازايز برهن بترجع فى الصندوق مش علب
كلى من عند البرنس
روحى اسكندرية مرة فى الشهر واقفى على البحر وقت الغروب
اركبى مركب فى النيل وفكى ضفايرك وخلى الهوا يطيرهم
شوفى واحد بتاع غزل بنات واتفقى معاه يعلمك تعمليه
اتعلمى كانفا وتريكو وكورشية
سبيك من الناس
انا خلفتك والغلط والصح محفورين جواكى بخط عريض اوى نعكشى عليهم كويس وانت تلاقيهم
احبى الله من كل قلبك
اعرفى جين اير كويس
انطقى " ان شاء الله "زى ما انا بنطقها
عندى ابجورة زرقا كده وحياتك حاولى متكسرهاش
اقري مجلدات ميكى القديمة ( هتلاقى منهم كتير عند خالو هشام )
حبى wordsworth
اوعى تجيبى مجموع عالى فى الثانوية العامة واوعى تطلعى دكتورة
اوعى تفرطى فى كرامتك
واخيرا حبينى
مامى رضوى
No comments:
Post a Comment